Lajme interesante

12 milionë bletë të lira në rrugët e Kalifornisë

Miliona bletë mjalti janë të lira pasi kamioni me të cilin transportoheshin arkat e insekteve, u rrokullis në një autostradë kaliforniane. Patrulla e autostradës thotë se më shumë se 12 milionë bletë “janë arratisur” nga kosheret dhe kanë mbushur zonën e autostradës 99. Ato kanë pickuar policët, zjarrfikësit dhe shoferët që mundoheshin të pastronin zonën. Shefi i policisë, Michael Bradley thotë se trajneri u rrëzua ndërsa hynte në autostradën që të çonte në Yakima, Uashington. Çdo arkë ishte e mbushur me 30 mijë bletë. Bradley thotë se bletët ishin përdorur në lëndinën San Joaqun për të pjalmuar të korrat.

Rusi, del në shitje vodka për femra

Igor Volodin beson se vodka nuk është më e dëmshme se çokollata. Ai është krenar që është i pari që ka prodhuar pijen alkoolike në versionin për femra, i dizenjuar të shoqërohet me sallatë pas stërvitjes në palestër. I parashikuar si produkt për gratë në lëvizje në Rusi, “Damskaya” ose vodka për femra i shqetëson doktorët, të cilën i tremben një vale të re me femra alkooliste, të cilat do t’i shtohen vendit me probleme më të rënda për shkak të alkoolizmit. Instituti i Psikiatrisë Shoqërore dhe Mjeko-Ligjore thotë se ka 2.5 milionë alkoolistë të regjistruar, por shton se kjo shifër është 7 herë më e lartë.

Norvegji, bebet e porsalindura pajisen me alarm kundër grabitjes

Një spital në Norvegji ka pajisur të gjitha bebet e porsalindur me alarm kundër grabitjes, për t’i mbrojtur nga rrëmbimet dhe për të shmangur ngatërresat. “Arsyeja kryesore është se duam të theksojmë sigurinë”, thotë Eric Normann, kreu i Spitalit Universitar Akershus. “Kemi pasur një periudhë ku Norvegjia përjetoi rrëmbime të shumta dhe kjo është ajo që duam të shmangim”, thotë ai. sistemi i alarmit konsiston në dy mikroçipe, një i ngjitur në byzylykun e kyçit të bebes sapo lind dhe tjetri i ngjitur në byzylykun e nënës. Kur çipet ndahen në një distancë, alarmi aktivizohet. Kur dikush përpiqet t’ia heqë byzylykun bebes, dyert e spitaleve mbyllen automatikisht.

Biologu zë peshkun e liruar 25 vite më parë

Disa njerëz zënë peshk dhe i lirojnë. Bill Wengert i liron dhe më vonë i zë prapë, një çerek shekulli më vonë. Në prill të vitit 1983, Wengert dhe biologë të tjerë të Departamentit të Gjahut dhe Peshkut zunë 12 mijë trofta në rezervuarin në Wyoming. Wengert ditët e fundit po peshkonte në akullin e rezervuarit 91 milje të gjatë dhe zuri troftën e dikurshme. Penda e saj ishte shënuar, gjë që tregonte se ishte studiuar edhe më parë. “Kam vënë kapëse në pendët e këtij peshku më 14 prill, 1983, gati 25 vite më parë”, thotë veterani 35-vjeçar i po këtij departamenti.

SHBA, 15-vjeçarja dënohet se ndali autobusin pa shofer

Një vajzë 15-vjeçare, e cila ndali një autobus jashtë kontrollit në SHBA, u dënua për shkak se la orën e mësimit. Amanda Rouse ndodhej në autobus me 40 nxënës të shkollës fillore, kur shoferja ra nga ndenjësja pas një kthese për shkak se goditi kokën. Amanda tha se i kërkoi shoferes së autobusit ta dërgonte në shtëpi se ishte ndjerë keq në shkollë. Ajo ndjek gjimnazin “Marina” në Kaliforni. “Ajo është në telashe me shkollën për shkak se mori vendimin e gabuar”, thotë gjyshja e saj, Sally Correll. “Por unë besoj se ajo duhet të ishte në atë autobus, që të shpëtonte 40 fëmijët e vegjël”, shton ajo.

Britani, nxjerr jetën në ankand për të nisur një të re

Një britanik, që ka emigruan në Australi, është kaq i lodhur pas një martese të dështuar, sa ka nxjerrë tërë jetën e tij për shitje në “eBay”. “Ian Usher, 44-vjeçar po shet shtëpinë me tre dhoma, makinën dhe punën, dhe të gjitha ato që zotëron”, raporton “Daily Telegrahp”. Andandi do të fillojë me një dollar australian, por zoti Usher shpreson të marë 230 mijë paund, pas një ankandi shtatëditësh në “eBay”. Zoti Usher, që emigroi nga Scarborough gjashtë vite më parë dhe u bë qytetar australian në vitin 2006, u nda nga gruaja pas 5 vitesh martesë. Ai thotë: “Jeta ime këtu është fantastike, por dua të ndahem prej saj dhe t’ia rinisi nga e para”.

Veshka e re i “ndryshoi personalitetin”

Një grua rrëfen se ka kryer një “transplant personaliteti” tërësor, pasi kreu operacionin ku mori një veshkë të re. Cheryl Johnson, 37-vjeçare nga Preston, Lanc, thotë se ka ndryshuar tërësisht pas operacionit në maj. Ajo beson se ka marrë karakteristikat e reja të dhuruesit. Nëna beqare thotë se madje edhe shijet e saj në letërsi kanë ndryshuar. “Gjithmonë më kanë pëlqyer libra, por kam filluar të lexoj klasikë si Jane Austen dhe Dostoevsky”. Akademikët në Amerikë kanë zhvilluar një teori e quajtur fenomeni i kujtesës së qelizës, për të shpjeguar ndryshimin e personalitetit që përjetohet tek disa pacientë.

Kinë, burri detyrohet të zvogëlojë gjoksin për hir të gruas

Një grua kineze ka detyruar burrin të operohet për të zvogëluar gjoksin, pasi ai kishte numër më të madh se ajo. Xiao Fend nga Chongqing, kërcënoi të ndahej nga Zhang Jianguo, nëse ai nuk do t’i nënshtrohej kirurgjisë. Zhang, i cili është 180 centimetra i gjatë dhe peshon 90 kilogram shpjegoi: “Ajo tha se sa herë që dilnim shëtitje, ajo ndihej në siklet për shkak se gjoksi im tërhiqte vëmendjen më shumë se i saj”. “Doktorët në “First Affiliated Hospital” në Universitetin Mjekësor “Chongqing e zvogëluan gjoksin e tij duke hequr dhjamin e tepërt”, raporton “Chongqing Business News”.