Itali, studentëve shqiptarë u refuzohen shtëpitë me qira

Studimi i së përmuajshmes "Studenti Magazine": Një pronar shtëpie në dy nuk pranon të huajt

Studentëve të huaj, përfshirë këtu edhe një numër të konsiderueshëm shqiptarësh, u refuzohet dhënia me qira e shtëpive në vendin fqinj, Itali, nga pronarët e banesave. Ky është rezultati i botuar në një studim të "Studenti Magazine" në Itali. Sipas specialistit të Emigracionit në Ministrinë e Punës, Durim Hatibi, studimi i sipërpërmendur nxjerr një pah një temë kaq të debatuar për të gjithë emigrantët, por me ndjesi shtesë vështirësie për një kategori tepër të cenueshme, atë të studentëve të huaj, të cilët e kanë tejet të vështirë të gjejnë shtëpi me qira në Itali.
Sipas të dhënave të studimit të revistës rezulton se një pronar shtëpie, nga dy të tillë, refuzon të japë me qira një dhomë, apo t‘i ofrojë përkundër pagesës një shtrat studentëve jo italianë. Studimi mori formë pas një rasti të bujshëm në Çezena, ku një sekretare e universitetit, në orvatjet e saj për të ndihmuar një student libanez në kërkim të një strehimi, u ndesh me refuzime të përsëritura. "Studenti magazine", në studimin e saj mori në konsideratë qytetet; Romë, Milano, Bolonja dhe Napoli. Qytetet më mikpritëse dolën dy të parat, ndërkohë që mikpritja e Napolit dhe Bolonjës lë shumë për të dëshiruar. Motivet e mbledhura për refuzimin konsiderohen të gjitha tejet absurde. Kështu duke cituar të dhënat e këtij studimi refuzimet nga ana e pronarëve të banesave janë të tilla si: "të huajt bëjnë pis dhe… pastaj, nëse nuk paguajnë?", apo ka edhe nga ata që i shqetëson edhe aspekti i së dukshmes: "Të huajt? Bien shumë në sy". Ndërkohë që jashtë fokusit të këtij studimi nuk kanë mbetur as sjelljet e studentëve italianë karshi bashkëmoshatarëve të tyre të huaj, përfshirë edhe shqiptarët. Nga të dhënat e përvijuara nga ky studim rezulton se plot 30 për qind e studentëve italianë nuk pranojnë të ndajnë shtëpinë me një të huaj. Ndërsa 27 për qind e tyre do të jetonte me kolegët e huaj, me kusht që të mos jenë shtetas nga vende jo anëtare të BE-së, sikundër është edhe Shqipëria. Vetëm 43 për qind e studentëve italianë nuk do të kishte asnjë problem të bashkëjetonte me kolegë që nuk i përkasin shtetit të tyre. Duke i cituar një problematikë të tillë edhe nivelin e lartë të pagesave të qirave që variojnë nga 500-600 euro e lart për person, shqetësimi për ata që shkojnë të ndjekin universitetet italiane bëhet edhe më i madh.
marre nga bulqiza.co.nr

Po re se do rrime pa leke aty ne. Pastaj ne megjithe mend nuk jemi ne UE po po hyjme ne NATO, pastaj ata terronat qe vine ketej lart ti lene atje te hane mozarella te prishura. Po ne nuk na e nin palla se i marrim dhe vete shtepite, se po u nxehem i perdhunojme keta pipinat ose ata pleqte e keputur qe kane keto shtepite......